Zjarret në Australi

Zjarret shkatërrojnë mijëra shtëpi në Australi

Gati 2,000 shtëpi janë shkatërruar nga zjarret në Australi, që kanë përfshirë këtë vend tash e sa muaj.

Zyrtarët në shtetin Nju Sauth Uells thanë se 1,588 shtëpi janë djegur dhe 653 të tjera janë shkatërruar, shkruan REL.

Rreth 200 janë shkatërruar në Viktorian fqinje dhe mbi 100 në shtete të tjera.

Së paku 25 njerëz kanë vdekur dhe miliona kafshë kanë ngordhur prejse kanë nisur zjarret në muajin shtator.

Sezoni i zjarreve në Australi është i paparë më herët dhe thuhet të jetë nxitur nga temperaturat rekorde dhe thatësirat e mëdha.

Të hënën, shiu që ka rënë, ka ndihmuar në shuarjen e disa zjarreve dhe uljen e temperaturave, por meteorologët kanë paralajmëruar për valë të të nxehtit sërish nga e premtja.

Këshilli i Sigurimeve të Australisë ka vlerësuar se kostoja e dëmeve nga zjarret ka arritur në 700 milionë dollarë australianë, por ka thënë se pret që ajo të rritet ndjeshëm.

Cilësia e ajrit në kryeqytetin Kanbera është renditur së voni në fund të listës së vendeve me ajër të ndotur në botë.

Do NOT follow this link or you will be banned from the site!