Foto: Komuna e Skenderajt
Zjarr në malet e Skenderajt, reagon Bekim Jashari
Kryetari i Komunës së Skenderajt, Bekim Jashari, ka bërë të ditur se u është vënë flaka maleve në fshatrat Ticë dhe Rakinicë në afersi të Radishevës, nga qytetarët e pandërgjegjshëm.
Jashari e ka quajtur të patolerueshme djegien e maleve.
“Ju lutem shumë që të mos bëni veprime të tilla kundër natyrës sonë, vendit tonë për të cilin u derdh gjak.
Edhe sot në kohë pandemie zjarrfikësit tonë janë duke fikur zjarrin që qytetarë të pa ndërgjegjshëm po i vënë maleve e fushave në fshatrat Ticë, Rakinicë e në afërsi të Radishevës.
Në mënyrë që të ndalim këto veprime kundër natyrës sonë kërkoj nga ju qytetarë që të lajmëroni tek organet tona komunale ata që po i vënë flakën maleve.
Po ashtu kërkoj nga Policia e Kosovës që të na ndihmojnë në gjetjen e personave që po bëjnë vepra të tilla të liga.
Bashkë të mbrojmë natyrën tonë të shenjtë!”, ka thënë Bekim Jashari në Facebook.