Zjarr në Kodrën e Cërnushës në Mitrovicën e Jugut

Është përfshirë nga zjarri Kodra e Cërnushës mbi fshatin Kçiq të Mitrovicës së Jugut, sot më 15.08.2024.

Një qytetar ka dërguar pamje ku shihet tym dhe zjarr në atë pjesë.

Lajmin për KALLXO.com e ka konfimuar komandati i zjarrfikësve për rajonin e Mitrovicës së Jugut, Mehmet Mehmeti, duke thënë se ekipi i zjarrfikësve po mundohet ta lokalizojë zjarrin.

“Rreth orës 13:30 është lajmëruar zjarri. Ekipi ka dal nē vendngjarje. Po e bëjnë të pamundurën me lokalizu zjarrin. Është mobilizuar edhe ekipi pasiv nëse do të ketë nevojë. Tani për tani kto janë të dhënat e para”- u shpreh Mehmeti.

Kështu tha edhe Ferxhije Pllana nga Drejtoria Rajonale në Mitrovicë të Jugut.

“Njësitë policore dhe zjarrfiksësit i janë përgjigjur infomatës, për momentin zjarri është aktiv, zjarrfikësit janë duke bërë përpjekje për lokalizim të zjarrit”- theksoi ajo.