Zjarr në fshatin Ribar të Lipjanit, në afërsi të parkut Blinaja

Një zjarr ka kapluar barin e thatë në fshatin Ribar të Lipjanit, në afërsi të parkut të Blinajës.

Sadri Shumolli nga Zjarrfikësit e Lipjanit deklaroi se zjarri është duke u vendosur në kontroll dhe se nuk ka rrezik për parkun e Blinajës.

Për KALLXO.com, Shumolli tregoi se informacionin për zjarrin e kanë marr në ora 14:48, më 01.09.2024.

“Zjarri ka ndodhur në Ribar. Është djegur kryesisht bari i thatë apo dushku, por jemi në kontroll të zjarrit, po thuajse në kontroll e kemi. Nuk ka rrezik për Blinajën” – deklaroi Shumolli.