Zjarr ne disa lokale në fshatin Sllatinë e madhe

Një zjarr është raportuar se ka përfshirë disa lokale në fshatin Sllatinë e Madhe në Fushë Kosovë, mëngjesin e datës 31.10.2024.

Lajmin për KALLXO.com e ka konfirmuar zëdhënësi i Policisë për rajonin e Prishtinës, Agron Borovci.

Sipas tij, deri më tani nuk raportohet për të lënduar përveç dëmeve të konsiderueshme materiale.

“Rreth orës 05:00, është pranuar informata për një zjarr në disa lokale në fshatin Sllatinë e Madhe. Policia menjëherë ka dalë në vendin e ngjarjes, ka ftuar zjarrfikësit të cilët kanë lokalizuar zjarrin. Deri më tani nuk raportohet për të lënduar përveç dëmeve të konsiderueshme materiale”- ka thënë ai.

Ai ka thënë se aktualisht policia në koordinim me prokurorin e shtetit ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen.