Zjarr në disa fusha dhe male të Mitrovicës

Një zjarr ka përfshirë malet e fshatit Kutllovc, në disa fusha në fshatin Zhabar dhe tek Liqeni Akumulues, në Mitrovicë.

Lajmin për KALLXO.com e ka konfirmuar, udhëheqës i ndërrimit në ekipin e zjarrfikësve në Mitrovicë, Gëzim Mehmeti.

“Po, sot është përhapur një zjarr në malet e fshatit Kutllovc, ekipa është në vendin e ngjarjes ku po mundohen ta lokalizojnë zjarrin”- ka thënë për KALLXO.com Mehmeti.

Mehmeti tha se “sot gjatë ditës kishte zjarre të tjera edhe në fushat tek Liqeni Akumulues dhe në fshatin Zhabar”.