Ilustrim
Zhduket një person ndërsa policia i gjen vetëm veturën e braktisur
10.4.2021 - 10:15
Policia kishte marrë informacion gjatë ditës së djeshme për një veturë të braktisur në fshatin Janjevë të Komunës së Lipjanit.
Pas marrjes së informacionit, njësitet policore kanë dalë në vendin e ngjarjes ndërsa kanë identifikuar edhe pronarin e veturës por nuk kanë arritur që të kontaktojnë me të.
Pas një kohe janë kontaktuar bashkëshortja dhe vëllai i personit që po dyshohet të jetë i zhdukur, e të cilët kanë thënë se ky i fundit nuk është lajmëruar që dy ditë dhe se nuk dihet asgjë për të.
Në lidhje me rastin është njoftuar edhe Prokuroria e Shtetit ndërsa policia po vazhdon të hetoj zhdukjen e burrit.