Zëvendëskryeministrja me tetë këshilltarë politikë, vetëm dy gra
02.7.2020 - 14:36
Nga gjithsej tetë këshilltarë politikë të emëruar në kabinetin e Zëvendëskryeministres Albulena Balaj- Halimaj, vetëm dy prej tyre janë gra.
Në kabinetin e Zëvendëskryeministres e cila vjen nga partia Nisma Socialdemokrate janë emëruar si këshilltarë politikë Luan Maloku, Linda Bytyqi, Leotrim Berisha, Fehmi Hysenaj, Sami Hajdaraj, Hajrije Gashi , Agim Caka si këshilltar i jashtëm politik, dhe Endrit Zabergja, po ashtu këshilltar i jashtëm politik.
KALLXO.com sot raportoi se edhe kabineti i zëvendëskryeministrit Driton Selmanaj përbëhet nga vetëm një grua në pozitën e këshilltares politike.
Në total, për katër zëvendëskryeministrat e vendit dhe për kryeministrin Hoti, janë emëruar 44 këshilltarë politikë.