Zelensky paralajmëron për sulme të mundshme ruse në Evropë

Presidenti i Ukrainës, Volodymyr Zelensky, tha në Konferencën e Sigurisë në Mynih se sipas shërbimeve secrete, pritet që Rusia të dërgojë trupa në krahun lindor të NATO-s.

Zelensky i paralajmëroi aleatët evropianë për sulme të mundshme ruse në të ardhmen.

“Po nëse herën tjetër nuk janë emigrantë – po sikur të jenë ushtarë rusë ose ushtarë të Koresë së Veriut? Bjellorusia kufizohet me tri vende anëtare të NATO-s. Sa shpejt do të reagojnë aleatët e tyre – dhe a do të reagojnë vërtet?” – tha Zelensky në Konferencën e Sigurisë në Mynih, duke ju referuar akuzave se Rusia kontrabandon qëllimisht emigrantë në BE përmes Bjellorusisë.

Shtetet anëtare të BE-së që janë fqinjë me Rusinë dhe aleaten e saj Bjellorusinë i akuzojnë ato se si pjesë të sulmeve “hibride” dërgojnë qëllimisht emigrantë në kufijtë e Evropës Veriore dhe Lindore për t’i detyruar ata të kalojnë kufijtë e BE-së.

Zelensky: Rusia po ndjek një taktikë të ngjashme si në Ukrainë

Tutje, Presidenti i Ukrainës deklaroi se ai ka njoftime nga shërbimet secrete, sipas së cilave këtë verë Moska dëshiron të transferojë ushtarë në Bjellorusi.

Dislokimi i tyre do të deklarohet si stërvitje ushtarake – pra në mënyrë të ngjashme sikurse u përgatit edhe pushtimi rus i Ukrainës tre vjet më parë.

Gjithsesi Zelenski nuk dha ndonjë dëshmi tjetër.

Në sfondin e ndryshimit të pushtetit në SHBA, Zelenski tha se marrëdhëniet e vjetra midis Evropës dhe SHBA-së “po i afrohen fundit”.

Duke pasur parasysh pasigurinë për mbështetjen e ardhshme nga Uashingtoni, Evropa duhet “të bashkohet dhe të veprojë në një mënyrë që askush të mos mund t’i thotë jo Evropës, ta komandojë atë ose ta trajtojë atë si të dobët”/DW/.