Zëdhënësi i PDK-së për sondazhin e VV-së: Dikush nuk po e thotë të vërtetën

Zëdhënësi i Partisë Demokratike të Kosovës, Avni Bytyçi, ka reaguar pas publikimit të sondazhit nga Lëvizja Vetëvendosje.

Sot zyrtari i LVV-së, partia e Albin Kurtit pritet që t’i ketë 55 deputetë në legjislaturën e ardhshme.

Por, me këtë nuk po pajtohet Bytyqi i PDK-së.

Ky është reagimi i plotë i tij:

Siç duket, Besnik Bislimi, është në garë serioze që të shpallet “politikani më qesharak” për vitin 2020.

Sipas tij, Lëvizja Vetëvendosje do t’i ketë 55 deputetë në zgjedhjet e ardhshme në Kuvendin e Republikës së Kosovës, gjithnjë sipas sondazheve.

Tash, këtu e kemi një problem matematikor dhe një gënjeshtër të madhe publike, nga Albin Kurti e deri te zyrtari më i vogël na kanë thënë se do t’i marrin 50% të votave.

50% e votuesve gjithnjë sipas Albinit me shokë me trendin aktual të daljes, nuk ja qet 55 deputetë.

Andaj, profesorin e nderuar të Ekonomisë e ftoj me mirësjellje që mos ta turpëroj veten më shumë e lë ta bëj matematikën vet, siç po shpresoj kërkon nga vet studentët e tij.

Në mes të deklaratës së Albin Kurtit dhe Besnik Bislimit, ekziston një diskrepancë, dikush këtu nuk po e thotë të vërtetën.