Departamenti Amerikan i Shtetit - Foto: REL
Zëdhënësi i Departamentit amerikan të Shtetit: Dënojmë sulmin e 29 nëntorit, mbështesim përpjekjet për të gjetur dhe ndëshkuar përgjegjësit
Zëdhenësi i Departamentit amerikan të Shtetit, Matthew Miller, ka thënë se do të mbështesin përpjekjet për të gjetur dhe ndëshkuar përgjegjësit e sulmit të datës 29.11.2024 në kanalin e ujit të Ibër-Lepencit në Zubin Potok.
Miller në rrjetin social ‘X’ ka shkruar se vlerësojnë ofertat e mbështetjes për këtë përpjekje.
“Dënojmë sulmin e 29 nëntorit në ujësjellësin e Kosovës. Ne do të mbështesim përpjekjet për të gjetur dhe ndëshkuar përgjegjësit dhe do të vlerësojmë të gjitha ofertat e mbështetjes për këtë përpjekje. Falënderojmë punonjësit e rasteve emergjente dhe të tjerët, përfshirë KFOR-in, për rivendosjen e furnizimeve thelbësore”- ka shkruar ai.
We condemn the 11/29 attack on Kosovo’s water supply. We will support efforts to find and punish those responsible and appreciate all offers of support to that effort. Thanks to emergency workers and others including KFOR for restoring essential supplies. https://t.co/3SvlWuIDEM
— Matthew Miller (@StateDeptSpox) December 1, 2024
Një shpërthim me eksploziv ndodhi më 29.11.2024 nga i cili u dëmtua kanali i ujit i Ibër-Lepencit.
Shpërthimi terrorist është kryer në fshatin Varagë të komunës së Zubin Potokut.
Kryeministri i Kosovës, Albin Kurti, në konferencën e 29.11.2024 tha se ky sulm është dirigjuar e orkestruar nga Serbia e i kryer nga profesionistë.
Tetë persona janë arrestuar nga Policia e Kosovës. Njeri prej tyre është sjellë sot, më 01.12.2024, në Gjykatën e Prishtinë. Prokuroria ka kërkuar masën e paraburgimit për të.
Ministri i Punëve i Serbisë, Marko Gjuriq, ka mbajtur një takim me ambasadorët e QUINT-it, në të cilin është folur lidhur me sulmin terrorist që është kryer më 29.11.2024 në kanalin e ujit të Ibër-Lepencit, në veri të Kosovës.
Sipas një njoftimi në faqen zyrtare të Ministrisë së Jashtme serbe, Gjuriq ka thënë në takim se Serbia është e gatshme t’i ndihmojë autoritetet lokale dhe Prishtinën duke furnizuar me energji elektrike deri në riparimin e dëmit në kanalin e Ibër-Lepencit dhe është e gatshme të ndihmojë në çdo mënyrë në riparimin e dëmeve.
