Zafir Berisha pranon se e kanosi Shaqir Totajn, dënohet me 600 euro gjobë
Zafir Berisha, ish-deputet i Kuvendit të Kosovës nga Nisma Socialdemokrate, është dënuar 6 muaj burgim, dënim i cili më pas me pëlqimin e Berishës, u zëvendesua me 600 euro gjobë, për kanosjen e kryetarit të Prizrenit, Shaqir Totaj (PDK).
Berisha u akuzua se përmes telefonit ka kanosur të parin e Prizrenit, Shaqir Totajn.
Berisha paraprakisht para gjykatës ka pranuar fajësinë.
Ai të martën ka dhënë versionin e tij rreth rastit.
“Nuk muj me thanë që s’i kam shkru sms”- tha Berisha.
Pas pranimit të fajsësisë, Gjykata i shqiptoi 6 muaj burgim por me pëlqimin e të akuzuarit ky dënim iu zëvendesua me 600 euro gjobë.
Në këtë gjykim mungoi Shaqir Totaj, i cili sipas Prokurorisë është i dëmtuar në këtë rast.
Sipas prokurorisë Zafir Berisha më 23 qershor 2022 akuzohet se përmes telefonit e ka kanosur Totajn.
“Do gjëra është dasht me koh mi sqaru jo tash mu sjell “kalova lumin …. spom duhet kali”, se jeta është me e gjate se sa pe llogarit”, është mesazhi që Berisha dyshohet t’i këtë dërguar kryetarit të Prizrenit.
Dosja e prokurorisë tregon se Berisha tutje edhe ditën pasuese ka dërguar përsëri mesazh të Totaj: “Me kan than qe je pis dhe i paftyr po skam besu sot ma vërtetove, ti po mendon qe me ke përdor si salvet një perdorimshe po dije pa ti q* r*** met ngre zhag neper Prizren nuk e prishi koalicionin si pot mesij mercenaret e vv dhe hajnat qe i ki i ke afër, dije këtë”.
Prokuroria në akuzën e saj ka konstatuar se me këto mesazhe është shkaktuar frikë, ankth dhe pasiguri për jetën e tij te i dëmtuari Totaj.
Me këto veprime, sipas aktakuzës Berisha akuzohet se ka kryer veprën penale të kanosjes.