Ambasadori Weidinger e uroi zëvendëskryeministrin Bislimi për detyrën dhe përgjegjësitë e reja.
“Ai theksoi se Austria do të vazhdojë të mbështesë Qeverinë e Republikës së Kosovës, sikurse dhe popullin e Kosovës, në rrugëtimin drejt Bashkimit Evropian” shkruan në komunikatën për media lëshuar për opinionin publik nga Zyra e Kryeministrit.
Weidinger veçoi fushën e arsimit të lartë dhe atë të investimeve direkte si pika kryesore të bashkëpunimit mes dy vendeve.
Zëvendëskryeministri Bislimi shprehu mirënjohjen për mbështetjen e vazhdueshme që shteti i Austrisë ia ka dhënë Kosovës, dhe theksoi vullnetin dhe gatishmërinë për të shtuar bashkëpunimin edhe në fusha të ndryshme me interes për të dyja vendet.
Ambasadori dhe zëvendëskryeministri Bislimi diskutuan edhe për situatën me pandeminë COVID-19 në Kosovë, vizitën e kryeministrit Kurti dhe zëvendëskryeministrave Bislimi e Gërvalla në Bruksel, si dhe dialogun Kosovë-Serbi.
