Lajm i Fundit, Coronavirus
Vushtrriasi i infektuar me COVID-19 shëtitet në qytet
24.6.2020 - 10:58
Ndaj një person në Vushtrri i cili është i infektuar me Covid-19, Policia e Kosovës ka inicuar rast gjatë ditës së djeshme.
Kjo ka ndodhur pasi që i dyshuari ka dalë në qytet dhe nuk ka përfillur rekomandimet e mjekëve.
Sipas policisë rasti ka ndodhur dje rreth orës 18:20, në Vushtrri, kur njësitet policore kanë shkuar në lokacionin e të dyshuarit dhe i njëjti nuk është hasur në shtëpi.
Në lidhje me këtë rast është njoftuar edhe prokurori dhe ndaj të dyshuarit është inicuar rast për përhapje të sëmundjeve ngjitëse.