Vushtrri, tri vajza e dorëzojnë në polici një kuletë që e gjetën në rrugë

Tri vajza e kanë gjetur një portofol në rrugë në Vushtrri dhe më pas atë e kanë dorëzuar në Stacionin Policor.

Policia e Kosovës ka njoftuar se në kuletë kishte dokumente personale, kartela bankare dhe një shumë të parave.

Gjithashtu është bërë e ditur se pronari i kuletës është ftuar në stacion dhe më pas ai ka pranuar kuletën, paratë dhe dokumentet.

Përmes një komunikate për media, Policia i ka falënderuar vajzat për veprimin e tyre.

“Drejtoria Rajonale e Policisë në Mitrovicën e Jugut, duke çmuar këtë gjest human, falënderon tri vajzat dhe të gjithë qytetarët për bashkëpunimin e vazhdueshëm me Policinë e Kosovës” – ka shkruar Policia.