Foto: Ilustrim
Vushtrri, godet me veturë një person, ik nga vendi i ngjarjes
05.10.2019 - 12:40
Policia e Kosovës ka njoftuar se pas një aksidenti në trafik, ku një automjet ka goditur një këmbësor, ngasësi i automjetit ka ikur nga vendi i ngjarjes ndërsa policia nuk ka arritur ta identifikojë.
Si pasojë e goditjes, viktima ka pranuar ndihmë mjekësore fillimisht në QKMF në Vushtrri, e më pas është dërguar në QKUK.
Ngjarja ka ndodhur të premten rreth orës 13:45 në rrugën ‘Mic Sokoli’ të Vushtrris, ndërsa rasti vazhdon të hetohet nga policia.