Vuçiq tha se Libia ka çnjohur Kosovën, ambasadori Agron Bajrami takon ambasadoren libiane

Ambasadori i Kosovës në Belgjikë, Agron Bajrami, ka takuar ambasadoren e Libisë në këtë vend, Amel Jerary.

Përmes një postimi në Twitter, ambasadori Bajrami bëri të ditur se në takim është diskutuar për nevojën e thellimit të marrëdhënieve Kosovë- Libi.

Bajrami thotë se gjithashtu shkëmbyen mendime mbi situatën aktuale në vendet respektive dhe rëndësinë e stabilitetit dhe demokracisë për paqen dhe prosperitetin e Ballkanit Perëndimor.

“Diskutim dhe mirëkuptim i madh me ambasadoren e Libisë, Amel Jerary. Shkëmbyem mendime mbi situatat aktuale në vendet tona dhe rëndësinë e stabilitetit dhe demokracisë për paqen dhe prosperitetin e Ballkanit Perëndimor dhe Magrebit. U pajtuam për nevojën e thellimit të marrëdhënieve”- shkruan Bajrami.

Great discussion & understanding with ambassador of #Libya, @ajerary. Exchanged views on current situations in our countries, & importance of stability & democracy for peace & prosperity of both Western Balkans & Maghreb. Agreed about need for deepening #Kosovo–#Libya relations. pic.twitter.com/c1BtM5HTWy

— Agron Bajrami (@AgronBajrami) January 11, 2023

Libia ka qenë një ndër 9 vendet, për të cilat presidenti serb Aleksandar Vuçiq, ka pretenduar se e ka tërhequr njohjen e pavarësisë së Kosovës.

“Kemi nëntë (vende) që kanë tërhequr njohjen – Somalia, Burkina Faso, Gaboni, Eswatini, Libia, Guinea, Antigua dhe Barbuda, Maldivet, Shën Lucia, ne jemi duke pritur për të dhjetin” – citohet të ketë thënë Vuçiq sipas raportimit të Tanjug.

Autoritet në Kosovë, MPJD por edhe vetë kryeministri Albin Kurti mohuan se këto pretendime janë të vërteta.

Kurti: Pretendimet për tërheqje të njohjeve janë të pavërteta