Vuçiq për vendimin ndaj tarifës: Një trik i ri dhe përpjekje për mashtrim nga Kurti

Presidenti i Serbisë  Aleksandar Vuçiq, ka reaguar pas deklaratave të djeshme të kryeministrit të Kosovës, Albin Kurti i cili ka thënë se nga data 15 mars hiqet tarifa për lëndën e parë nga Serbia.

Sipas tij, anulimi i pjesshëm i tarifës është një mashtrim i ri nga Albin Kurti, dhe se i dërguari amerikan Richard Grenell ka absolutisht të drejtë duke thënë se SHBA nuk i mbështet “ gjysmë masat “ e kryeministrit Kosovar.

“ Një ditë para vizitës time në Amerikë, Kurti ka vendosur të heq tarifat në mënyrë që unë të mos kisha një temë diskutimi atje “ ka komentuar Vuçiq siç thotë përpjekjen e Kurtit për mashtrim, raporton Tanjug.

Dje, Kryeministri i Kosovës, Albin Kurti, ka thënë se pas konsultës me institucione të ndryshme, ka ardhur në përfundim që nga 15 marsit të hiqet tarifa 100 për qind ndaj lëndës së parë nga Serbia dhe Bosnja e Hercegovina.

Kurti në një konferencë për media ka thënë së nëse Serbia dëshmon se do ndalë fushatën për çnjohje ndaj Kosovës, Qeveria e Kosovës do ta largojë tarifën 100% plotësisht më 1 prill 2020.

I pari i Qeverisë tha se BE duhet ta vlerësojë këtë dhe ta ofrojë liberalizimin e vizave për Kosovën.

Në anën tjetër BE-ja ka mbështetur këtë hap të palës kosovare, ndërsa SHBA-të nuk e  kanë mbështetur masën e Kurtit, duke insistuar që tarifa duhet të hiqet krejtësisht