Foto: REL/AP

Vuçiq pas takimit me Grenellin: Dialogut i kthehemi pasi të hiqet taksa

Presidenti i Serbisë, Aleksandar Vuçiq ka thënë se “sapo të hiqet taksa”, Serbia është e gatshme t’i kthehet dialogut me Kosovën.

Ai këto komente i bëri pas takimit më të dërguarin e Shtëpisë së Bardhë për dialogun Kosovë-Serbi, ambasadorin Richard Grenell, në margjinat e Konferencës së Sigurisë në Mynih të Gjermanisë.

“Kemi pasur një bisedë të hapur dhe të sinqertë – që nuk është kurrë e lehtë për ne – por unë jam i kënaqur që Richard Grenell është aq i vendosur për heqjen e taksës”, ka shkruar Vuçiq në rrjetin social Instagram.

Ambasadori Grenell pritet të takojë edhe presidentin e Kosovës, Hashim Thaçi.

Kështu ka njoftuar zyra e presidencës së Kosovës përmes një komunikate për media.

Takimet zhvillohen disa ditë pasi ambasadori Grenell ka kërkuar nga Qeveria e Kosovës të heqë taksën e vendosur më 2018 ndaj mallrave serbe dhe të Bosnjës, në mënyrë që të zhbllokohet procesi i dialogut për normalizimin e marrëdhënieve midis dy vendeve./REL

Do NOT follow this link or you will be banned from the site!