ARKIV Foto: REL
“Vuçiq ik!”, protestë masive në Beograd
Një turmë e madhe njerëzish janë mbledhur sot në qendër të kryeqytetit të Serbisë, Beograd, për të protestuar. Kjo është protesta e tretë kundër dhunës që nga dy të shtënat masive që tronditën Serbinë në fillim të majit, raporton Balkan Insight.
Turma është më e madhja që nga fillimi i protestave, përderisa protestuesit kishin arritur te godina e Qeverisë dhe më pas kanë lëvizur drejt urës së Gazelës.
Nën thirrjet “Vuçiq largohu”, protestuesit kanë kaluar tek ndërtesa e Qeverisë.
Kjo është e premtja e dytë me radhë që protestuesit po bllokojnë plotësisht qarkullimin në urën e Gazelës, më e rëndësishmja mbi lumin Sava në kryeqytetin serb.
Teksa dhjetëra mijëra njerëz kanë marshuar, Balkan Insight raporton se protesta e sotme është një nga më të mëdhatë në Serbi që nga fillimi i mijëvjeçari i ri.
Turma tashmë është ndarë në dysh, me disa pjesëmarrës që do të shkojnë në Urën e Brankovit dhe të tjerët në Qendrën Sava.
A crowd is gathering in the Belgrade city centre ahead of the third anti violence protest since the two mass shootings that shocked Serbia at the start of May.
Follow for live updates from our correspondent on the field. pic.twitter.com/X6uEs8rgiX
— Balkan Insight (@BalkanInsight) May 19, 2023