Komuna e Prizrenit
Vrasjet e fundit në Prizren, Haskuka mbledh Këshillin e Sigurisë
Kryetari i Komunës së Prizrenit Mytaher Haskuka ka mbledhur në takim personat përgjegjës për siguri në Prizren.
Këshilli Komunal për Siguri në Bashkësi në Komunën e Prizrenit sot do të raportojë për sigurinë në Komunën e Prizrenit.
Në këtë takim pritet të marrin pjesë përfaqësues nga Policia e Kosovës, FSK dhe përfaqësues nga Ministria e Punëve të Brendshme, ku secili pritet të jep sqarime për punën në fushat e tyre përkatëse.
Drejtori i Policisë Faton Alija pritet të raportojë për sigurinë në Komunën e Prizrenit.
Ky është raporti i parë i Policisë së Prizrenit për vitin 2020, pasi që në këtë qytet brenda një periudhe të shkurtër ndodhën disa vrasje.
Në këtë takim pritet të raportohet edhe për dy çështje me interes për publikun.
Raporti nga Drejtoria për Mirëqenie Sociale për trajtimin e lypsarëve në Komunën e Prizrenit. Dhe raporti nga Drejtoria e Bujqësisë lidhur me shqetësimin e qytetarëve nga qentë endacak, janë dy tema që drejtorët përkatës do të paraqesin raportet e tyre para kryetarit të Komunës dhe para qytetarëve.