Shiriti i Policisë së Kosovës. Foto: Shkodrane Dakaj/KALLXO.com
Vrasje e rëndë në tentativë në Prishtinë
07.10.2022 - 10:21
Në orët e para të ditës së djeshme ka ndodhur një vrasje e rëndë në tentativë në Prishtinë.
Policia e Kosovës ka njoftuar se ngjarja ka ndodhur në rrugën Memo Mato në Prishtinë, më 6 tetor 2022, rreth orës 03:35.
Sipas Policisë, viktima është dërguar në Qendrën Klinike Universitare të Kosovës pasi që pas një mosmarrëveshje është plagosur me armë zjarri nga i dyshuari.
Gjithmonë duke iu referuar raportit policor, në vendin e ngjarjes janë gjetur dhe konfiskuar dy gëzhoja.
Tutje është njoftuar se i dyshuari gjendet në arrati.