Votohet emërimi i 7 anëtarëve të Këshillit të Kosovës për Trashëgimi Kulturore
Në seancën e Kuvendit është votuar emërimi i shtatë anëtarëve të Këshillit të Kosovës për Trashëgimi Kulturore.
Për këtë pikë të rendit të ditës votuan 66 deputetë.
Deputeti i Lëvizjes Vetëvendosje, Ardian Gola, ka prezantuar emrat e anëtarëve për të cilët tha se kanë përvojën e duhur.
Anëtarët janë; Zanita Halimi, Arianit Buqinca, Sadik Krasniqi, Premtim Alaj, Valon Gërmizaj dhe nga minoritetet Ifeta Nikoçiviq, Slazana Boshkoviq.
Kuvendi i Kosovës pas kësaj pike ka mbyllur punimet me kërkesë të shefave të grupeve parlamentare.
Tri pikat e fundit të rendit të ditës që mbeten pa u shqyrtuar janë këto:
Shqyrtimi i Rekomandimit të Komisionit funksional për Administratë Publike, Pushtet Lokal, Media dhe Zhvillim Rajonal për shkarkimin e anëtarëve të Bordit të Radiotelevizionit të Kosovës,
Shqyrtimi i kërkesës së Komisionit për Bujqësi, Pylltari, Zhvillim Rural, Mjedis, Planifikim Hapësinor dhe Infrastrukturë për ndryshimin e emërtimit të këtij komisioni,
Zgjedhja e drejtorit të Autoritetit Rregullator për Shërbimet e Ujit.