Von der Leyen tregon planin e BE-së për të hequr gradualisht energjinë ruse

Presidentja e Komisionit Evropian, Ursula von der Leyen, ka paraqitur planet për të hequr gradualisht varësinë e BE-së nga karburantet fosile ruse, deri në vitin 2027 në një samit në Versajë.

Është një datë më e hershme dhe më specifike se ajo e propozuar nga komisioni të martën, kur ata folën për ta bërë Evropën të pavarur nga karburantet fosile ruse “përpara vitit 2030”, raporton BBC.

Von der Leyen postoi në Twitter fotografi të dispozitave që ajo u prezantoi liderëve të BE-së mbrëmë – duke përfshirë datën e largimit të fazës, 2027.

Find the slides one by one below ↓ pic.twitter.com/OyoaQBDZPX

— Ursula von der Leyen (@vonderleyen) March 10, 2022

Më vonë pritet një “Deklaratë e Versajës”, e cila pritet të përfshijë përfundime mbi energjinë, mbrojtjen dhe ekonominë.

Udhëheqësit lëshuan një deklaratë të veçantë në lidhje me mbështetjen për Ukrainën, duke përfshirë aspiratat e saj për anëtarësim, brenda natës.

“Këshilli Evropian pranoi aspiratat evropiane dhe zgjedhjen evropiane të Ukrainës, siç thuhet në Marrëveshjen e Asociimit. Më 28 shkurt 2022, duke ushtruar të drejtën e Ukrainës për të zgjedhur fatin e saj, Presidenti i Ukrainës paraqiti kërkesën e Ukrainës për t’u bërë anëtare e Bashkimit Evropian”, thuhet në këtë deklaratë,

“Këshilli ka vepruar me shpejtësi dhe ka ftuar Komisionin të paraqesë opinionin e tij për këtë kërkesë në përputhje me dispozitat përkatëse të Traktateve. Në pritje të kësaj dhe pa vonesë, ne do të forcojmë më tej lidhjet tona dhe do të thellojmë partneritetin tonë për të mbështetur Ukrainën në ndjekjen e rrugës së saj evropiane. Ukraina i përket familjes sonë evropiane”, thuhet më tej.

Lexoni këtu deklaratën e plotë të BE-së./ BBC

Përgatiti: Arbisa Shefkiu