Vlora Çitaku: Ua kam lakmi atyre që me kompetencë deklarohen për konfliktin mes Izraelit dhe Palestinës

Ish- ambasadorja e Kosovës në Uashington, Vora Çitaku ka bërë një postim në llogarinë e saj në rrejetin social Facebook, duke thënë se Izraeli ka të drejtë të mbrohet nga sulmet e organizatave terroriste.

Duke komentuar debatin e ditëve të fundit që ka përfshirë vendi lidhur me konfliktin izraelito- palestinez, Çitaku ka thënë se ua ka lakmi atyre të cilët me kompetencë deklarohen për këtë konflikti.

“Izraeli ka të drejtë të pakontestueshme të mbrohet nga sulmet e organizatave terroriste. Sulmet e vazhdueshme të cilat këto organizata i sponsorizojnë duhet të dënohen nga Republika e Kosovës”, ka shkruar ndër të tjerash Çitaku.

Më poshtë postimi i plotë i Çtakut në facebook:

Thënë të drejtën, ua kam lakmi atyre të cilët me kompetencë deklarohen për konfliktin mes Izraelit dhe Palestinës. Kam vizituar disa herë zyrtarisht Tel Avivin, Jerusalemin, Ramallahun etj.

Jam takuar zyrtarisht shumë herë me përfaqësues të lartë të Izraelit, si dhe me përfaqësues Palestinez (përfshirë Arafatin). Konfliktin në Lindje të Mesme, e veçanërisht atë ndërmjet Izraelit dhe Palestinës, nuk e përcjelli në Facebook & Twitter.

E përcjelli pak më thellë. Nuk jam tifoze.

Megjithatë, nuk i jap vetes të drejtë të deklarohem me kompetencë për këtë çështje!

Tash, pa interpretime, këto janë faktet:

1) Hamasi dhe Hezbollah janë organizata terrorise. Synimi i tyre është zhdukja e Izraelit.

2) Civil të pafajshëm, izraelit dhe palestinez, po vdesin si pasojë e luftimeve.

Izraeli ka të drejtë të pakontestueshme të mbrohet nga sulmet e organizatave terroriste.

Sulmet e vazhdueshme të cilat këto organizata i sponsorizojnë duhet të dënohen nga Republika e Kosovës.

Kaq.