Vlera e Bitcoin-it bie pothuajse 50% që nga nëntori

Bitcoin ka humbur pothuajse gjysmën e vlerës së tij që nga nëntori, me çmimet e kriptovalutave që vazhdojnë të bien ndërsa ekonomitë e mëdha kërkojnë të frenojnë popullaritetin e tyre në rritje.

Dhe nuk është vetëm Bitcoin, pasi kriptovalutat në përgjithësi kanë pasur një fillim të zymtë të vitit, raporton CNN.

Bitcoin ka rënë mbi 8% në 24 orët e fundit dhe po tregtohej me 35,479 dollarë në mëngjes, sipas CoinDesk. Kriptomonedha më e vlefshme në botë ka rënë me mbi 20% që nga fillimi i vitit. Në nëntor ajo u tregtua me një rekord prej 68,990 dollarëve.

Kriptomonedhat e tjera kanë kaluar më keq. Ethereum, kriptomonedha e dytë më e vlefshme në botë, ka rënë me më shumë se 12% në 24 orët e fundit dhe po tregtohej me rreth 2,400 dollarë nga mëngjesi, sipas CoinDesk. Kjo është një rënie gati 30% që nga fillimi i vitit 2022.

Investitorët po shqetësohen për monedhat digjitale dhe asetet e tjera më të rrezikshme që kur Rezerva Federale e ShBA-së sinjalizoi se mund të zbusë stimulin ekonomik në mënyrë më agresive sesa pritej.

Megjithatë, jo të gjithë janë pesimistë. Goldman Sachs tha se çmimi i Bitcoin-it mund të arrijë më shumë se 100,000 dollarë brenda pesë viteve të ardhshme. Në një raport të publikuar në fillim të këtij muaji, analistët e bankës thanë se panë fitime të forta përpara, sepse Bitcoin do të vidhte gjithnjë e më shumë pjesën e tregut nga ari.