Vjosa Osmani kërkon nga Netflix njohjen e Kosovës

Ushtruesja e detyrës së Presidentit, Vjosa Osmani i është bashkuar listës së peticionit për njohjen e Kosovës nga platforma e transmetimit të filmave.

Ajo përmes rrjetit Twitter i ka bërë  thirrje kësaj platforme që të vendosin Kosovën në hartë duke shtuar se njerëzit e këtij vendi e duan punën dhe shërbimin e tyre.

“I dashur Netflix, njerëzit e Kosovës i shijojnë shumë shërbimet tuaja  të transmetimit dhe e duan punën tuaj. Ata meritojnë të njihen për këtë. Është koha që të vendosni Republikën e Kosovës në hartën tuaj,” ka shkruar Osmani.

Kujtojmë se për këtë çështje është krijuar një peticion të cilin e kanë nënshkruar  më shumë se 8 mijë persona janë bërë pjesë e  tij me nënshkrimet e tyre ku i kërkohet platformës filmike që të vendosë Kosovën në hartë pasi deri tani figuron me territor të Serbisë.

Klikoni këtu për të gjetur peticionin