'Vjedhjet' në Prekaz të Epërm kandidatët që humbën votat pas rinumërimit
33 kandidatë për deputetë nga Partia Demokratike e Kosovës (PDK) kanë pësuar ndryshime në vota në qendrën e votimit 2105B/04D, përkatësisht në shkollën fillore “Azem Bejta” në fshatin Prekaz i Epërm i Skenderajt.
Në mesin e tyre, 27 kandidatëve u janë zbritur votat, ndërkaq 6 të tjerë përfituan rritje të votave.
Anëtarët e komisionit në këtë vendvotim kanë qenë: Sokol Rexha – kryesues, Xhemë Abazi, Imer Maliqi, Albert Maliqi dhe Përparim Kabashi.
Kurse, komisioni për rinumërim kishte këtë përbërje: Adrian Gorçaj – kryesues, Aferdita Xhukolli, Haxhere Humolli, Adriana Murati, Bledar Hajrizi dhe Mirlinda Fana.
Dallimet vërehen duke filluar nga kandidati për kryeministër nga PDK-ja, Kadri Veseli, i cili pas rinumërimit humbi 9 vota.
Kurse, kandidati për deputet nga ky subjekt politik, Hajredin Kuçi mbeti pa 7 vota pas rinumërimit. Edhe Mërgim Lushtaku dhe Rafet Rama i humbën nga 5 vota.
Por një tjetër kandidat që përfitoi është Valon Grabovci, të cilit rinumërimi ia solli 3 vota më tepër.
PDK
Emri i kandidatit | Numërimi | Rinumërimi |
Kadri Veseli | 171 | 162 |
Hajredin Kuçi | 9 | 2 |
Bedri Hamza | 28 | 27 |
Blerta Deliu – Kodra | 7 | 4 |
Uran Ismaili | 16 | 15 |
Safete Hadergjonaj | 5 | 4 |
Mergim Lushtaku | 56 | 51 |
Ganimete Musliu | 19 | 16 |
Abelard Tahiri | 19 | 15 |
Shaqir Totaj | 2 | 1 |
Sabiha Shala | 1 | 0 |
Dhurata Hoxha | 4 | 3 |
Ramë Buja | 1 | 0 |
Hajdar Beqa | 2 | 3 |
Sejdi Hoxha | 11 | 10 |
Rrustem Mustafa | 1 | 0 |
Kurtan Kajtazi | 10 | 9 |
Xhevahire Izmaku | 5 | 4 |
Fadil Beka | 24 | 23 |
Blerim Latifi | 60 | 58 |
Fadil Nura | 28 | 29 |
Rafet Rama | 81 | 76 |
Rrahim Tërnava | 1 | 0 |
Egzona Bytyqi | 1 | 0 |
Valon Grabovci | 16 | 19 |
Kaltrina Arifaj | 6 | 5 |
Nexhmi Muçiqi | 1 | 0 |
Florim Kryeziu | 0 | 1 |
Halit Zogaj | 1 | 0 |
Raid Rashiti | 1 | 0 |
Faik Geci | 18 | 20 |
Pashk Buzhala | 2 | 3 |
Bekim Haxhiu | 47 | 45 |
Në këtë vendvotim, dallime në vota ka pasur edhe në rezultatet e përgjithshme për partitë politike.
Lëvizja Vetëvendosje në numërimin fillestar i ka pasur 23 vota, përderisa pas rinumërimit i ka marrë 24 sosh.
Sa i përket kandidatëve për deputet nga kjo parti politike, tre prej tyre morën më shumë vota nga rinumërimi, përderisa dy të tjerë humbën deri në katër vota.
Lëvizja Vetëvendosje
Emri i kandidatit | Numërimi | Rinumërimi |
Albulena Haxhiu | 4 | 3 |
Arben Vitia | 4 | 0 |
Yllza Hoti | 0 | 4 |
Mimoza Kusari – Lila | 3 | 4 |
Nezir Bejta | 4 | 5 |
Në anën tjetër, lëvizje votash me nga një votë, pati tek kandidatët e koalicionit parazgjedhor AAK-PSD.
Përderisa Shyqiri Bytyqi në fillim ka pasur një votë, atë e humbi pas rinumërimit, ndërsa kolegia e tij Zoja Lleshi – Berisha, e mori një votë që në numërimin e parë nuk e kishte.
AAK – PSD
Emri i kandidatit | Numërimi | Rinumërimi |
Shyqiri Bytyqi | 1 | 0 |
Zoja Lleshi – Berisha | 0 | 1 |
Ndërkaq në listën e koalicionit Nisma – AKR – PD, e vetmja kandidate për deputete së cilës i ndryshuan votat është Merita Dervishi që pas rinumërimit iu bënë 4 nga 3 vota sa pati në fillim.
Nisma – AKR – PD
Emri i kandidatit | Numërimi | Rinumërimi |
Merita Dervishi | 3 | 4 |
Monitoruesit e KALLXO.com, të cilët janë duke përcjellë procesin e rinumërimit të votave në Skenderaj, kanë vërejtur dallime të mëdha në votat e kandidatëve për deputetë nga tri subjekte të mëdha politike në vend.
(Dokument) Skemat e ‘vjedhjeve’ të votave në Skenderaj