Ilustrim

Vizita e Presidentit të Shqipërisë, policia tregon se do të ketë ndërprerje të përkohshme të qarkullimit të trafikut

Nga dita e sotme e deri ditën e martë në vizitë zyrtare në Kosovë do të jetë presidenti i Republikës së Shqipërisë, Bajram Begaj, së bashku me një delegacion shoqërues të presidencës.

Për të ofruar siguri dhe mirëmbajtje të rendit Policia e Kosovës ka dalë me njoftim për këtë vizitë.

Policia e Kosovës,  gjatë kësaj vizite do të kujdeset për ofrimin e sigurisë dhe mirëmbajtjen e rendit e qetësisë publike gjatë kohës së lëvizjes së eskortës dhe qëndrimit të delegacionit shtetëror në Kosovë.

Për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes, Policia e Kosovës do të bëjë ndërprerje të përkohshme të qarkullimit të trafikut (në intervale të shkurta kohore), të disa segmenteve rrugore ku pritet të kalojë eskorta, si dhe në lokacione të caktuara ku parashihen të realizohen aktivitete zyrtare.

Njëkohësisht për të mundësuar qarkullimin dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik.