Viola von Cramon të hënën në Beograd, temë edhe Kosova
26.5.2022 - 21:21
Eeurodeputetja Viola von Cramon do të takohet me presidentin serb, Aleksandar Vuçiq në Beograd të hënën, më 30 maj.
Kështu ka raportuar mediumi N1. Sipas tyre, Cramon e Vuçiq do të diskutojnë për procesin e integrimit evropian të Serbisë, përafrimin e saj me sanksionet e Bashkimit Evropian kundër Rusisë, çështjet e energjisë dhe normalizimin e marrëdhënieve Serbi-Kosovë.
Von Cramon ka qenë kritike ndaj autoriteteve serbe në disa raste në të kaluarën dhe është sulmuar nga zyrtarë të lartë shtetërorë dhe media pro-pushtetit.
Vuçiq u tha gazetarëve se ai priste vizita të rëndësishme nga Evropa dhe Rusia në të ardhmen e afërt.