Vidhet një veturë në Istog, arrestohet një person
20.7.2022 - 12:18
Një person është arrestuar nën dyshimin se para dy ditëve ka vjedhur një veturë në fshatin Banjë të Istogut.
Sipas njoftimit të Policisë së Kosovës, ngjarja kishte ndodhur në orët e para të 18 korrikut, rreth orës 01:40.
Policia ka thënë se vetura e vjedhur është gjetur.
“Është arrestuar i dyshuari pasi që i njëjti ka vjedhur veturën pronë e viktimës. Identifikimi i personit është bërë dhe vetura është gjetur”, ka thënë policia.
Tutje është thënë se lidhur me rastin është bërë intervistimi i personit të dyshuar dhe me vendim të prokurorit ai është dërguar në mbajtje.