Ilustrim
Vidhen mbi 43 mijë euro në një lokal në Prishtinë
30.11.2019 - 11:58
Policia e Kosovës ka njoftuar se në një lokal në “Rrugën B” në Prishtinë është kryer një vjedhje e rëndë.
Menaxherja e lokalit i ka thënë Policisë se nga kasaforta janë vjedhur 43.466 euro.
Ajo ka rrëfyer se persona të panjohur kanë depërtuar me forcë në lokal dhe kanë arritur të vjedhin paratë nga kasaforta e lokalit.
Në lidhje me rastin është njoftuar prokurori ndërsa rasti është duke u hetuar.
Sipas Policisë, vjedhja ka ndodhur më 28 dhe 29 nëntor.