VIDEO - Shpërthen vullkani, një i vdekur
Një vullkan ka shpërthyer në Zelandën e Re, duke lënë një të vdekur dhe më shumë se 20 të tjerë të zhdukur.
Turistët u panë duke ecur buzës së kraterit pak çaste para shpërthimit.
Pavarësisht kësaj, ishulli është një destinacion turistik me turne të shpeshta ditore dhe fluturime skenike në dispozicion.
Vizitori Michael Schade, i cili ishte me një varkë duke u larguar pas një turneu në mëngjes, filmoi shpërthimin, duke treguar pluhurin dhe tymin sipër malit, transmeton rtv21.tv.
My god, White Island volcano in New Zealand erupted today for first time since 2001. My family and I had gotten off it 20 minutes before, were waiting at our boat about to leave when we saw it. Boat ride home tending to people our boat rescued was indescribable. #whiteisland pic.twitter.com/QJwWi12Tvt
— Michael Schade (@sch) December 9, 2019
Ai i tha BBC-së se ishte në krater vetëm 20 minuta para shpërthimit.
Kryeministrja e Zelandës së Re, Jacinda Ardern tha se kishte “një numër” turistësh në ose rreth ishullit, si nga Zelanda e Re, ashtu edhe nga jashtë.
Shpërthimi i vullkanit filloi rreth orës 14:11 me kohën lokale.
“Fillimisht besohej se kishte afro 100 njerëz në ose afër ishullit në kohën e shpërthimit, ne tani besojmë se kishte më pak se 50”, tha policia.
Policia po paralajmëron njerëzit që jetojnë pranë zonës që të “jenë të vetëdijshëm për potencialin e rrëzimit” dhe të qëndrojnë brenda.
Më 3 dhjetor, faqja e internetit e monitorimit të rreziqeve gjeologjike “GeoNet” kishte paralajmëruar s “vullkani mund të jetë duke hyrë në një periudhë kur aktiviteti i shpërthimit ka më shumë të ngjarë se normalja”, megjithëse ata shtuan “niveli aktual i aktivitetit nuk paraqet rrezik të drejtpërdrejtë për vizitorët”.
“White Island” ka parë disa shpërthime ndër vite më së fundmi në vitin 2016, por askush nuk u lëndua në atë kohë./21Media
