(VIDEO) Pamje e vendit ku është lokalizuar droga e kapur nga Policia
17.5.2021 - 16:24
Rreth 400 kilogram kokainë dyshohet se janë kapur në Kosovë gjatë ditës së sotme nga Policia e Kosovës në bashkëpunim me Policinë e Shqipërisë dhe ata të Italisë.
Gazetarët e KALLXO.com gjenden në vendin e ngjarjes, ku është lokalizuar automjeti me të cilin dyshohet ka qenë duke u transportuar sasia e madhe drogës e dyshuar të jetë e llojit kokainë.
Njësitet elite të Policisë gjenden në vendin e ngjarjes për të siguruar perimetrat ku gjendet droga.
KALLXO.com ka kontaktuar edhe me Drejtorin e Antidrogës Bahri Shala i cili tha se ende nuk është bërë ekzaminimi i sasisë së drogës që është kapur.
Vendi ku dyshohet se është ndaluar kamioni gjendet në hyrje të qytetit të Lipjanit, brenda oborrit të një kompanie.