VIDEO: Kuponët fiskalë nuk jepen as në prani të inspektorëve në Gjilan
Sonte në emisionin ‘Drejtësia në Kosovë” u shfaqën pamjet e tri aksioneve të inspektoreve të ATK-së në vazhdën e luftimit të evazionit fiskal.
Gjatë këtyre aksioneve, cak i kontrollit ishin tri biznese për të cilat qytetarët kishin raportuar në KALLXO.com se nuk po lëshojnë kuponë fiskal.
Në hyrje të kontrollit te një dyqan në komunën e Gjilanit, në praninë e inspektorëve tatimorë po ndodhte ajo të cilën e kishte raportuar qytetari.
Biznesi bënte shitje pas shitjeje dhe nuk lëshonte asnjë kupon fiskal.
Pas kësaj inspektorët fillojnë kontrollin, biznesit i konstatohen disa parregullsi.
Për të gjitha parregullsitë e konstatuara, inspektorët bëjnë me dije se biznesi do të ndëshkohet.
Javë më parë emisioni Drejtësia në Kosovë, shfaqi pamjet e aksioneve të ATK-së në rajonin e Mitrovicës.
Kontrollin e inspektorëve tatimorë te një restorant dhe disa bizneseve në regjionin e Mitrovicës mund ta ndiqni në linkun e mëposhtëm.