VIDEO - Dardan Molliqaj akuzon Policinë e Kosovës se është e dirigjuar politikisht
Kryetari Partisë Socialdemokrate ka bërë thirrje te Policia e Kosovës që t’i lejojnë ta mbajnë fjalimin nga shkallët e hyrjes së qeverisë.
Molliqaj ka deklaruar se i siguron të gjithë se nuk do të tentojë të hyjë brenda Qeverisë.
“Kjo polici mbrapa është e dirigjuar politikisht. Para 3 dite, është mbajtë protestë me të njëjtë kauzë dhe qetu është mbajtë fjalimi. Janë mbi shpinën time, thu ti se çka është bërë. Policisë të pasjellshëm e të dirigjuar politikisht. Po ju siguroj që nuk hyjmë në objekt, se nuk jemi budallë”, ka thënë Molliqaj.
Policia e Kosovës është tërhequr dhe zyrtarë të PSD-së kanë nisur fjalimet e protestës së sotme.
Molliqaj e ka quajtur kryeministrin Kurti “tuc” dhe që e sheh vetën e tij si “supermen”
Protesta është duke vazhduar.
