Protesta e nxënësve të gjimnazit Ahmet Gashi. Foto: Egzon Azemi/Facebook

Vetëvendosja i përgjigjet akuzave të PSD se qëndrojnë prapa protestës së gjimnazit ‘Ahmet Gashi’

Asamblisti i Vetëvendosjes, Egzon Azemi, i është përgjigjur akuzave të kolegut të tij nga PSD-ja, Adrian Berisha, i cili tha se Vetëvendosja qëndron prapa protestës dhe se po manipulon me nxënësit e gjimnazit ‘Ahmet Gashi’ në Prishtinë.

Në një përgjigje për KALLXO.com, Azemi ka thënë se të gjithë asambleistet mbrëmë kanë marrë ftesë që ta përkrahin protestën.

“Në foton e publikuar nga Ardian Berisha ku shihem unë, është gjithashtu edhe një moniturues i Kuvendit që vjen nga OSCE, a i bjen kjo se edhe kjo organizatë e ka manipulu protestën? Sigurisht se jo. E kuptoj mllefin e tyre sepse sot u tërhoqën nga vendimi që aty mos të ndërtohet nje shkollë përsëri. Pra, falë organizimit të gjimnazistëve, profesorëve dhe prindërve, ky proces u ndal”, ka thënë Azemi.

Ai ka thënë se si anëtar i Kuvendit Komunal, e ka për obligim që të merret me pakënaqësitë e qytetarëve dhe t’i adresojë ato.

Azemi gjithashtu ka thënë se akuzat që drejtori i shkollës është anëtar i Vetëvendosjes nuk qëndron, pasi ai në gara ka qenë në listën të cilën i printe kryetari Shpend Ahmeti.

Ndërsa asamblisti i PSD-së në komunën e Prishtinës, Adrian Berisha, përmes një konference për media që e mbajti komuna e Prishtinës, akuzoi Lëvizjen Vetëvendosje se është prapa protestës dhe se po manipulon me nxënësit, duke thënë se ka fakte për këtë akuzë dhe shumë shpejtë do t’i publikoi.

VIDEO – PSD akuzon Vetëvendosjen se po i manipulon nxënësit e gjimnazit ‘të rrezikshëm’ në Prishtinë

Ndërsa nxënësit e gjimnazit kanë paralajmëruar vazhdimin e protestës për ditën e nesërme, pasi sipas tyre, komuna nuk iu garantoi se objekti i shkollës së tyre do të rindërtohet.

Nuk binden me arsyetimet e komunës, gjimnazistët nesër vazhdojnë protestën

.