Vetëm 1 në 311 qytetarë e shfrytëzuan trenin në Kosovë gjatë shkurtit

Agjencia e Statistikave të Kosovës (ASK) ka publikuar Statistikat e Transportit hekurudhor për muajin shkurt të 2023.

Sipas të dhënave në raport, numri i udhëtarëve që kanë shfrytëzuar trenin si mjet udhëtimi ishte 5 mijë e 690 ose 35.5% më shumë sesa në periudhën e njëjtë të vitit të kaluar, derisa sasia e mallrave të transportuara me tren, në neto ton, ishte 0.

Nëse pjesëtohet numri i udhëtarëve me numrin e banorëve të Kosovës, i bie që 1 në 311 qytetarë ka shfrytëzuar trenin për udhëtim.

Në muajin shkurt të vitit 2022 numri i udhëtarëve që shfrytëzuan trenin si mjet transporti ishte 4 mijë e 198.

Derisa, në janar 2023 numri i udhëtarëve ishte 6 mijë e 505, në karahazim me muajin janar 2022 ku numri i udhëtarëve ishte 4 mijë e 178.

Burimet e të dhënave sipas ASK-së, janë administrative ku dhënësit e informatave janë Aeroporti Ndërkombëtar i Prishtinës “Adem Jashari “ – LIMAC, Hekurudhat e Kosovës TRAINKOS Sh. A, RAILTRANS ShPK ARKEP- Autoriteti Rregullativ i Komunikimeve Elektronike dhe Postare, ARC – Agjencia për Regjistrim Civil [Departamenti për Regjistrimin e Automjeteve të Kosovës], Ministria e Infrastrukturës [Drejtoria për rrugë].

Zero transport të mallrave, ndërsa udhëtimin me tren e shfrytëzuan mbi 6500 qytetarë