Vetaksident në Gllarevë të Klinës, Policia jep detaje
Një vetaksident trafiku ka ndodhur mëngjesin e së hënës në Gllarevë të Klinës.
Zëdhënësi i Policisë së Kosovës për rajonin e Pejës, Fadil Gashi për KALLXO.com ka thënë se rasti fillimisht është raportuar si aksident mirëpo pas daljes në vendin e ngjarjes është konstatuar se ka ndodhur një vetaksident dhe si pasojë lëndime ka pësuar shoferi i veturës.
“Rreth orës 08:15 la ndodhur një vetaksident. Policia ka dalë në vendin e ngjarjes. Vozitësi është lënduar dhe është dërguar në Qendër të Mjekësisë Familjare dhe më pas me udhëzim të mjekut është dërguar në Spitalin Rajonal të Pejës dhe është jashtë rrezikut” – ka thënë Gashi.
Ai shtoi se Policia ka përfunduar ekzaminimin e vendit të ngjarjes.
Pamjet e dërguara në KALLXO.com, tregojnë një veturë me dëme materiale, si pasojë e këtij vetëaksidenti.
