Vetaksident në Bërnjak, vdes pasagjeri dhe arrestohet ngasësi me shtetësi të Serbisë

Policia e Kosovës ka njoftuar se ka ndodhur një vetaksident në rrugën nacionale Zubin Potok – Bërnjak, më 07.07.2024, rreth orës 23:00.

Sipas njoftimit të Policisë, aksidenti ka ndodhur si pasojë e mospërshtatjes së shpejtësisë me kushtet e rrugës dhe vetura që drejtohej nga i dyshuari, shtetas i Serbisë ka dalur nga rruga duke u përplasur me një shkëmb.

Për shkak të këtij aksidenti, tre pasagjerë, shtetas të Kosovës kanë pësuar lëndime trupore, ndërsa njëri prej tyre ka vdekur, sipas mjekëve në Spitalin e Mitrovicës, njofton Policia.

“Me vendim të prokurorit trupi i pajetë është dërguar në obduksion, ndërsa i dyshuari (drejtuesi i veturës) është arrestuar dhe dërguar në mbajtje” – thuhet në njoftimin e Policisë, më 08.07.2024.

Rasti është inicuar si ‘Aksident trafiku me fatalitet’.