Veseli: Qeveria Hoti do të kolapsojë shumë shpejt
04.6.2020 - 21:15
Kryetari i PDK-së, Kadri Veseli, ka thënë se Qeveria e drejtuar nga Avdullah Hoti do të kolapsojë shumë shpejt.
“Kjo Qeveri do të kolapsojë shumë shpejt”, tha Veseli në TV Klan Kosova.
Kreu i PDK-së tha se do të punojnë që të shkohet sa më shpejt në zgjedhje të reja.
Avdullah Hoti është zgjedhur kryeministër i Kosovës dje me votat e 61 deputetëve të Kuvendit të Kosovës.
Sot ishte dita e parë e punës e Qeverisë Hoti.
LDK ka lidhur koalicion me AAK-në, Nismën Socialdemokrate, Listën Serbe dhe disa deputetë të pakicave të tjera.
LDK ishte në koalicion qeveritar me LVV-në por Qeveria e drejtuar nga Albin Kurti u rrëzua pas një mocioni mosbesimi të iniciuar nga partneri i koalicionit.