Vdes një punëtor në Prishtinë, dyshohet se ra nga lartësia
17.6.2022 - 17:27
Një punëtor ka vdekur si pasojë e lëndimeve pasi dyshohet se ka rënë nga lartësia sot në Prishtinë.
Lajmin për KALLXO.com e ka konfirmuar zëdhënësja e Policisë për rajonin e Prishtinës, Florie Ahmeti.
Sipas saj rasti ka ndodhur në rrugën “Dëshmorët e Gollakut”.
“Viktima, nuk ka arrite të përballojë plagët dhe i njëjti në QKUK, ka ndërruar jetë”, ka njoftuar Ahmeti.
Tutje ka thënë se rasti po hetohet nga njësitet kompetente në koordinim me prokurorinë dhe Inspektoratin e Punës.
Rasti është iniciuar si “Hetim mbi vdekje”.