Vdes një punëtor në Klinë, bie nga kati i tretë i objektit
14.4.2022 - 14:41
Një punëtor ka vdekur në Grabanicë të Klinës pasi ka rënë nga kati i tretë i objektit ku ishte duke punuar.
Këtë e ka konfirmuar për KALLXO.com, zëdhënësi i Policisë së Kosovës për rajonin e Pejës, Fadil Gashi.
Ai ka thënë se ngjarja ka ndodhur sot rreth orës 10:23.
“Në vendin e ngjarjes ka dalë policia dhe ekipi i emergjencës, ku edhe është konstatuar vdekja e punëtorit”, ka thënë Gashi.
Policia është duke e hetuar këtë rast.