Vdes nëna e Kadri Veselit
07.1.2022 - 11:23
Ka vdekur sot nëna e i ish-kryetarit të Partisë Demokratike të Kosovës, Kadri Veselit, Ajshe Veseli.
Lajmin e ka bërë të ditur një familjar i Veselit.
Në korrik të vitit 2021 ka vdekur edhe babai i Kadri Veselit, Fazli Veseli.
Kadri Veseli është duke u mbajtur në paraburgim në Hagë.
Thaçi, Veseli, Krasniqi dhe Selimi po akuzohen se si drejtues të UÇK-së kishin kryer krime kundër njerëzimit gjatë luftës së fundit në Kosovë.
Për këto akuza ata po mbahen në paraburgim prej momentit kur ishin arrestuar në Kosovë.