Vdes në Spitalin e Gjilanit një i burgosur – po trajtohej për probleme me zemër

I burgosuri A. F. ka ndërruar jetë në Spitalin Rajonal të Gjilanit.

Kështu ka njoftuar Shërbimi Korrektues i Kosovës dhe Departamenti Shëndetësor i Burgjeve.

Sipas njoftimit nga SHKK, i ndjeri po trajtohej për një kohë të gjatë për probleme kardiologjike paraprake.

“Ai kishte të vendosura stenta dhe ishte nën mbikëqyrjen e kardiologëve, duke u trajtuar sipas rekomandimeve të tyre” – thuhet në njoftim.

Procedurat ligjore të nevojshme janë duke u zhvilluar, sipas SHKK-së.

Në njoftim tutje thuhet se autopsia do të përcaktojë shkakun e saktë të vdekjes.