Vdes në QKUK pas lëndimeve që pësoi duke kontrolluar një objekt në Prizren

Policia e Kosovës ka njoftuar se një person i gjinisë mashkullore, i cili kishte pësuar lëndime trupore derisa po kontrollonte një objekt, ka vdekur në Qendrën Klinike Universitare të Kosovës.

Sipas Policisë, rasti ka ndodhur në Prizren, dje rreth orës 7:20.

Viktima ishte dërguar në Spitalin e Prizrenit për tretman mjekësor e më pas edhe në QKUK, ku edhe ka vdekur.

Me urdhër të prokurorit trupi i pajetë i viktimës është dërguar në IML për obduksion.

Rasti po trajtohet si vdekje aksidentale.