Vdes motoçiklisti në vetaksident trafiku në Kamenicë

Një person ka vdekur gjatë ditës së djeshme në një aksident trafiku në Kamenicë.

Sipas policisë, aksidenti ka ndodhur dje rreth orës 13:40 në lagjen Malësia në Kamenicë.

Policia ka bërë të ditur se viktima derisa kishte qenë duke e drejtuar në motor- katërçikletë ka humbur kontrollin mbi të dhe është rrokullisur në mes të rrugës.

Si pasojë e këtij aksidenti viktima ka pësuar lëndime vdekjeprurëse dhe ka vdekur.

Vdekjen e viktimës e ka konstatuar edhe mjeku kujdestar, ndërsa njësitet policore kanë dalë në vendin e ngjarjes, ndërsa trupi i viktimës me urdhër të prokurorit është dërguar në IML për obduksion.