Vdekje e dyshimtë e një të miture në Gjilan
24.2.2022 - 11:46
Policia e Kosovës ka njoftuar se më 22 shkurt të këtij viti është raportuar një vdekje e dyshimtë në Gjilan.
Në Polici kanë raportuar familjarët e një vajze të mitur e cila ishte gjetur pa shenja jete.
Ngjarja thuhet se ka ndodhur rreth orës 22:55.
Në njoftim është thënë se njësitë relevante të Policisë dhe ekipi mjekësor kanë dalë në vendin e ngjarjes ku nga mjeku është konstatuar vdekja e viktimës.
Tutje është thënë se me urdhër të prokurorit trupi i viktimës është dërguar në Institutin e Mjekësisë Ligjore për obduksion.