Policia e Shtetit- Tirane- Foto: Policia e Shtetit/Facebook

Vdekja e dy minatorëve në Tropojë, arrestohet drejtuesi teknik i minierës

Drejtuesi teknik i subjektit për shfrytëzimin e mineralit të kromit në Tropojë, ku ditën e djeshme, humbën jetën dy punonjës, është arrestuar këtë të diel.

Policia bën me dije se specialistët e Seksionit për Krimet në Komisariatin e Policisë Tropojë arrestuan në flagrancë për veprën penale “Shkelja e rregullave të mbrojtjes në punë”, A.R., 45 vjeç, banues në Bajram Curri, me detyrë drejtues teknik në subjektin për shfrytëzimin e kromit.

Arrestimi i tij u bë sepse më datë 19.03.2022, në fshatin Lajthizë, për shkak të mosmarrjes së masave për sigurimin teknik nga ana e tij, në galerinë minerare, kanë humbur jetën dy punëtorë, shtetasit A. D., 41 vjeç dhe A. Zh., 40 vjeç.

Materialet i kaluan Prokurorisë së Rrethit Gjyqësor Tropojë, për veprën të mëtejshme./TopChannel