Vazhdojnë edhe sot reduktimet e rrymës
19.8.2022 - 10:44
Nga e hëna qytetarët e Kosovës janë përballur me reduktime të energjisë elektrike. Kjo për shkak të krizës energjetike dhe të pamundësisë financiare së Kompanisë për Distribuimin e Energjisë Elektrike në Kosovë (KEDS) për të blerë energji nga jashtë.
Viktor Buzhala, zëdhënës i KEDS-it tha për KALLXO.com se reduktime do të ketë sot duke u bazuar në instruksionet e KOSTT.
Operatori i Sistemit, Transmisionit dhe Tregut të energjisë elektrike në Kosovë – KOSTT, ka thënë se instruksionet për reduktime të rrymës do të mbesin në fuqi deri në stabilizimin e situatës.
Ministria e Ekonomisë kishte njoftuar të hënën pasdite se përmes bashkëpunimit me Shqipërinë situata me energji do të rregullohet në vend.